ik ben zô content da 't eindelijk hier is

't begost oôk tijd te wèren

en wie weet, wie weet, ton god der nieten mis

den tijd zal et oes lêren

'k wille nied oltijd moeten ofhanklik zin

oôk ol zegd iedereên

dad et abseluut gin kwaâd kan, moh bah nin't

behalve in 't begin

'k hope da 't mij gegund is

want ik bin nen optimist

'k hope dat 'ij goe' gezind is

od 'ij over mij beslist

ik ben nih mih g'heêl de zelfden nar da 't schijnd

'k hih 't ol eêrder g'hoôrd

en der zal meschien wel hier en daâr iets zijn

dat'n ênen of 'n anderen stoôrd

't ambetantste is da 'kik et nied echt zie

en wie kan 'k best vertrouwen?

moh ik zou peizen 't is in idder geval mij

da' vald te onderbouwen

ik hope da 't mij gegund is

want ik bin nen iptimist

'k hope dat 'ij goe' gezind is

od 'ij over mij beslist

zorg goe' voe mij

ik komme were nor huis

'k ben de joengsten van de drie

bambi in den bus

lat mij werken in 't metaal

of meschien in 't hout

'k weet nie o'k et gâ ol

'k benne nih mih stout

ik ben zô content da 't eindelijk hier is

't begost oôk tijd te wèren

en ik wete 't, ik wete 't, der gaâd echt nieten mis

den tijd zal et oes lêren

ik hope da 't mij gegund is

want ik ben nen iptimist

ik hope dat 'ij goe' gezind is

od 'ij over mij beslist