't zat der lange an te kommen

en een paâr jaâr geleden

kwam ze binnen in zijn leven

j'ad dervoôrn gebeden

wirklijk een g'heêl schoôn kijnd

van een diftige familie

hem gijng zijne stijl veranderen

en zij heur domecilie

de voenken sproeng' der vanof ton

dikkels of

ik ben nie tegen passionelen

integendeêl ik zijnge lof

maâr ik moete wel lijk zeggen

't ih nie mih g'heêl 't zelfde

ik kloenk 'n bitje benauwd

aâd 'ij ip nen avend belde

refrein:

kèrel, ik ben doôcontint

't beste dat er mij kost overkommen

'k hih wel moeite voe te âsemen

en ik wete nie waârom

kèrele, ik ben doôcontint

't beste dat er mij kost overkommen

'k voele mij soms wel onzeker

en 'k wete nie waârom

ietske minder ip café

dikwils geweun thuis

ietske minder pintjes drijnken

ietske rechter naâr huis

meiskes kijkt ij nie mih naâr

want z'hid da nie gèren

't ih nie' da' ze hem nieten gund

maâr ze kan et echt nied èren

(refrein)

weken, maânden, een g'heêl jaâr

vliegen rap voôrbij

en ik hôre hem wa minder

ma hey, dad hoôrd derbij

't zat der lange an te kommen

en 'n paâr dagen geleden

hid 'ij zijn bazatse gepakt

w'haân dervoôrn gebeden

kèrele, ik ben g'heêl kapot

't moeste juste mij weer overkommen

maâr ik voele mij veel lichter

en ik wete wel waârom

kèrel, ik ben g'heêl kapot

't moeste juste mij weer overkommen

maâr ik voele mij veel lichter

en ik wete wel waârom

'k wete wel waarom