'k hih 't uinder noôit gezeid, dad is gin eêrlijkheid

moh ge zou mij nie' verstaân, daârom hih 'k 't nie gedaân

'k ben 'kik nie' van hier, ge zied dad an mijn vier

en mijn vrimdsoôrtig lijf, ol mijn bewegijngen stijf

'k hih 't uinder noôit gezeid

'k hih 't uinder noôit gezeid

mijn kinderlijk gedrag, en ton dienen dwâze lach

drie tepels ip mijnen borst, noôid 'n ginne last van vorst

oltijd de beste punten, en de raârste stunten

der wâren hints genoeg, dad der noôit niemand nie' vroeg

refrein:

't is uiteindlik toch een triestig feit

'k hih' geluisterd en gij hih' gezeid

moh omgekeêrd hih j'gij lik nieten g'hoôrd

en dad is iets da mij onmetelik stoôrd

haa je da nu echt nied ip, da' vinne 'kik geflipt

ben echt wel pissed ip gij, 't ih typisch da je 't nie' zie

mijn snot is doenkerbruin, ben schuw onder tribuun

mijn vel doe 'k 's aves of, en 'k steke 't in mijn schof

(refrein)

zie j'gij, echt nie, da 'k nie passe ip die wèreldbol?

't ges wa' groener daa, ol is dad ègelik nie waa

en 'k haa daar echt wel 't haâr, we luisterden na mekaâr

ik hih van nieten spijt, en drage gin verwijt

ge zijd, zie, wik da j'zijd, o-je maa de pijn verbijt

(refrein)

Zie j'gij, echt nie, da 'k nie passe ip die wèreldbol?

nog ne keêr echt voer ol de meiskes da 'k gèren zie, voer ol de schône meiskes, de lêlijke meiskes, de goeie meiskes, de slichte meiskes, ollemale, ol m'n maâtjes, al m'n vryndinnen, 't is ollemolle speciaal voôr gijder da 'k zoe gèren hin da je nu meedoet meh mij in de volgenden dans. Ge pakt uw hand, ge ?lesse j'in? heupen en ge beug j'iet veruit, bitje trager, nin zô